Policia italiane ka bllokuar një gomone në brigjet e San Cataldo në Lecce, pasi në të u gjet një sasi e madhe marijuane dhe hashashi.
Operacioni u zhvillua nga Departamenti i Operacioneve Ajrore dhe Detare të Gardës së Financave të Bari në bashkëpunim me Grupin Aeronaval të Gardës së Financave të Tarantos.
Në pranga kanë rënë dy kontrabandistë nga Shqipëria, të cilët po drejtonin gomonen. Sipas mediave italiane, gomonia e cila po lëvizte me një shpejtësi të lartë u ndoq dhe u ndalua nga Guardia di Finanza.
Por pas pak minutash ndjekje, gomonia u ndalua dhe gjatë kontrollit brenda saj u gjetën rreth 3 kuintalë marijuanë dhe 10 kilogramë hashash.
