Një gomone me 685 kg kanabis, e cila do të trafikohej në Itali, është gjetur pas mesnate e fshehur në pyll pranë Lumit të Vjosës.
Në operacionin masiv për parandalimin dhe goditjen e trafikimit të lëndëve narkotike, morën pjesë forcat e Drejtorisë së Policisë Kufitare dhe Migracionit Vlorë, Drejtorisë Vendore e Policisë Vlorë, Reparti Delta Force dhe Guardia di Finanza.
Në mjet dhe pranë tij të hedhura në tokë, janë gjetur gjithsej 67 pako dhe 4 çanta, të cilat pas peshimit kanë rezultuar me peshë të përgjithshme prej 685 kilogramë Cannabis Sativa që janë sekuestruar në cilësinë e provës materiale.
Sakaq, shërbimet e Policisë në bashkëpunim me njëra-tjetrën, vijojnë kërkimet duke krehur zonën tokësore përreth, por edhe atë ujore, me qëllim kapjen dhe arrestimin e autorëve të implikuar në këtë veprimtari kriminale.
