Trafiku i rënduar po e kthen fundjavën në ditë makthi për drejtuesit e mjeteve, sepse fluksi i madh i njerëzve që zgjedhin të shkojnë në bregdet ka bllokuar autostradën Tiranë-Durrës.
Për t’i shpëtuar temperaturave të larta, kryeqytetasit nisen në drejtim të Durrësit. Nisur nga situata e krijuar në autostradë kjo e diel nuk ka qenë ndryshe nga ato të kaluara, përkundrazi është rënduar më tepër. Thuhet se trafiku është kilometrik.
Ndërkohë, një aks problematik ngelet edhe Tiranë-Gjiri i Lalzit dhe anasjelltas, i cili bëhet gati i pakalueshëm çdo fundjavë dhe pushuesit duhet të rrinë me orë të tëra në makinë për të shkuar në destinacionet e tyre.
