Drejtuesit e Juventusit nuk ndalen nga puna për përforcimin e skuadrës dhe shumë emra qarkullojnë si objektiva të kampionëve të Italisë.
Të fundit e ka sugjeruar Cristiano Ronaldo. Ylli portugez ka mbetur shumë i lidhur me Mesut Ozil që prej kohës që luanin së bashku tek Real Madrid.
Turko-gjermani ka edhe një vit kontratë me Arsenalin dhe po tenton të nisë një aventurë të re në karrierë, edhe pse Mikel Arteta nuk dëshiron të privohet nga shërbimet e tij.
CR7 ia ka propozuar emrin e fantazistit drejtuesve të Juventusit.
Këtyre të fundit u pëlqen 31-vjeçari, por problem mbetet paga e lartë prej 385 mijë eurosh në javë.
Gjithsesi, vetë Ozil është koshient që një rrogë të tillë nuk mund ta marrë tek “Zonja e Vjetër” dhe do të ishte gati të “sakrifikonte” disa miliona për të luajtur përsëri me Cristiano Ronaldon, shkruan “abcnews.al”.
