Akuzat ndaj Hermes Nikajt, i njohur ndryshe si “Zogu i Tiranës”, janë shtuar.
Ditën e djeshme u zbardh dëshmia e një jetimeje, e cila ishte shfrytëzuar nga Nikaj.
Ndërkohë, sot “shqiptarja.com” ka zbuluar përgjimet e Prokurorisë së Tiranës dhe vëzhgimet e kryera në terren.
Ndër të tjera nga këto përgjime është zbuluar dhe fenomeni i shit-blerjes së votave në zgjedhjet lokale të 30 qershorit të 2019.
Hermes Nikaj telefonohet nga një numër, që sipas verifikimeve rezulton të jetë i Dajana Shabanit, e cila i kërkon Hermesit që në këmbim të 20 mijë lekëve të vjetra të shkojë në qendrën e votimit në shkollën “Qemal Stafa” në Tiranë.
Dajana Shabani është një moderatore e njohur.
Kujtojmë se, së bashku me Nikajn, Shabani ka moderuar një emision mëngjesi në “RTV ORA” për disa sezone.
Biseda që zhvillohet mes tyre:
Dajana: Zogu, votove ti motra?
Zogu: Jo akoma.
Dajana: Shko të lutem se më duhet shenja jote, ta çoj me foto, të kam motra zemër.
Zogu: Po mi.
Dajana: Se është orari që e fiks hajt, të japi motra njëzet mijë lekësh, shko.
Zogu: O sa mirë, kur tani ja për gjysëm ore.
Dajana: Ik motra se në orën shtatë mbyllen qendrat e votimit.
Zogu: Bëje gati njëzet mijë lekëshin.
Dajana: Ta bën motra, ta bën motra, por merr edhe ndonjë këto grupin e gatshëm, votojnë këto?
Zogu: Ku di unë, ç’i du këto po votoj për vete, ta çoj me aplikacion po hec..
Dajana: Mirë. Po mere merre i çik motra një shoqe. Thuaji, merr dikë mamin vetë i dytë.
Zogu: Po po, bëje gati njëzetëshen.
Dajana: Mirë ta bën motra, ma ço më ashtu se mos rrej Zogu, se del aty për atë Allah.
Zogu: Për çfarë?
Dajana: Del kur nuk e ke votu.
Zogu: Qyqja unë thashë ta çoj me kështu gishtin moj…
Dajana: Shko, shko se e bën dhe me stilolaps, por halli është ta bësh tamam. Për Zotin të del emri që nuk ke votuar. Për Zotin, betohem për gocën. Shko mere dhe mamin e shko voto se afër e keni. Te kush shkollë e ke ti, tek “Qemal Stafa”?
Zogu: Dy hapa e kemi..
Dajana: E mirë hik.
