Kreu i PD-së Lulzim Basha ka vijuar me sulmet ndaj qeverisë për blerjen e votës.
Përmes një video të postuar në rrjetet sociale, ai ka risjellë në vëmendje audiopërgjimet, në të cilat anëtarë të bandave kriminale janë kapur teksa bisedojnë për blerjen e votave.
Videoja në fjalë risjell në vëmendje përgjimet e “Habilajve”, ku ata shprehen se ish-ministri i Brendshëm Saimir Tahiri kishte shpenzuar 5 milionë euro në fushatë.
Më tej në video është edhe Rasti “Dako-Avdylaj” dhe ai i Lezhës.
Bashkëngjitur videos Basha shkruan:
“Pastrimi i politikës nga krimi dhe dekriminalizimi i zgjedhjeve janë jetike për demokracinë dhe stabilitetin e vendit.”
