Top Channel pritet që të këtë ndryshime rrënjësore në Fillimin e sezonit të ri televiziv në shtator.
Në media është përfolur se një prej ndryshimeve më kryesore mund të jetë rikthimi aktorit të humorit, Agron Llakaj në Top Channel.
Ditën e sotme, ideatori dhe prezantuesi i spektaklit të humorit “Al Pazar” në “Vizion Plus” është fotografuar nga Dita me drejtorin e përgjithshëm të “Top Channel”, Ben Blushi.
Nuk dihet nëse aktori i njohur ka planifikuar rikthimin e tij në televizionin ku ishte drejtues i “Portokalli”.
Drejtori i Top Channel Ben Blushi ka nisur një fazë ndryshimesh në këtë televizion duke synuar të afrojë emisionet dhe drejtuesit më të kërkuar të momentit.
Vetëm pak ditë më parë, ai i ka bërë një ofertë Blendi Fevziut me një pagë që flitet se shkon në 45 milionë lekë të vjetra në muaj.
