Komuniteti i biznesit i bëri thirrje klasës politike që me konfigurimin e qeverisë së re, të krijohet ministria e Tregtisë dhe Industrisë, kreu i së cilës do të propozohet nga vet biznesi.
Siç u tha në një konference për shtyp të përfaqësuesve të Forumit të Biznesit, kjo ministri duhet të ketë në funksionin e saj hartimin e politikave tregtare, promovimin dhe mbështetjen e sipërmarrjes prodhuese dhe proceset e ardhshme të negociimit me jashtë për tregtinë”.
Forumi, bëri të ditur ai, do t’i përzgjedhë dhe propozojë kryeministrit të ardhshëm tre kandidatura të përshtatshme nga individët më të spikatur në fushën e politikave të sipërmarrjes, për postin e ministrit të Tregtisë. Gjithashtu u tha se ky komunitet rezervon të drejtën t’i kërkojë kryeministrit edhe marrjen e masave deri në shkarkimin e tij, kur nuk realizon objektivat e nuk justifikon besimin e sipërmarrjes.
