Presidenti i FSHF, Armand Duka, në emisionin “ZonaGol” ka folur lidhur me akuzat e Braçes. Ai u shpreh që nëse do financonte ai, do i vinte stadiumit emrin e tij. “Air Albania Stadium” është tema e momentit për të cilin po flasin të gjithë sportdashësit. Ai tha se ky stadium është ndërtuar me donacion nga UEFA. Duka shtoi më tej se ai mund të dëshironte që të ishte një emër sportisti, por në këto rrethana, do vepronin në bazë të burimeve financiare.
“Nëse do flisja me mendimin e karriges, do flisja ndryshe. Komercializimi është gjëja më optimale e mundshme. Nuk dua të bëjë replikë me asnjë. Në kushtet që jemi, ky stadium është ndërtuar me donacion nga UEFA.
Financimi i UEFA-s është 10 milionë euro + TVSH, që qeveria na ka mbajtur padrejtësisht. Është një hall më i madh, për ta mirëmbajtur në të njëjtën gjendje. Është e pamundur nëse nuk komercializojmë gjërat e mundshme.
Është një model që e ndjek e gjithë Europa. Edhe unë mund ta doja që të ishte një emër sportisti, por jemi të detyruar se kemi nevojë për burime financiare. Nëse zv.kryeministri flet nga karrigia, mund të hedhë ato lek, dhe ne i vejmë emrin e tij”, është shprehur Duka.
Kujtojmë këtu se më herët, Braçe është shprehur se biletat për ndeshjen me Francën janë shumë të shtrenjta. “A i bletë biletat për Francën? “Me të futme” apo si? Mos harroni, për ata “futbolli s’është për hallexhinj”!”.
