Shifra të frikshme vijnë edhe nga Mbretëria e Bashkuar, e cila ka shënuar 684 viktima nga koronavirusi brenda 24 orëve të fundit.
Sipas mediave vendase, në 24 orët e fundit janë shënuar edhe 4,450 raste të reja, duke e çuar në 38,168 numrin total të të prekurve.
Deri më tani në Mbretërinë e Bashkuar janë shënuar 3,605 viktima. Kështu Mbretëria e Bashkuar renditet si vendi i pestë me numrin më të madh të vdekjeve të shënuara nga COVID-19.
Duhet theksuar se një shifër kaq e madhe vdekjesh, brenda një dite të vetme është shënuar vetëm në Itali, Spanjë dhe SHBA.
Mbretëria e Bashkuar ia kalon kështu Kinës dhe Iranit, duke u renditur pas Italisë, Spanjës, SHBA-ve dhe Francës.
Italia mban vendin e parë për numrin më të madh të vdekjeve, të shënuara nga koronavirusi (13,915), shifra këto që nuk janë përditësuar akoma për ditën e sotme.
