Kosova ka regjistruar një tjetër rekord, pasi janë konfirmuar 730 raste të reja me koronavirus.
Rezultatet e të infektuarve vijnë pas marrjes së 1,794 mostrave.
Instituti Kombëtar i Shëndetit Publik (IKSHPK), ka njoftuar se brenda 24 orëve janë regjistruar 11 viktima.
Sipas të dhënave të këtij Instituti, 75 pacientë kanë mposhtur virusin, derisa raste aktive aktualisht janë 7,278.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 24,115 të prekur Covid-19, ku prej tyre 755 pacientë kanë vdekur.
