Me shirat e mbrëmjes së djeshme duket se kemi hyrë zyrtarisht në vjeshtë. Por, si do të vijojnë temperaturat?
Orët në vijim sjellin përmirësim te kushteve atmosferike pasi do të shtohen intervalet me kthjellime, por do të ketë sërish vranësira kalimtare.
Shira të dobët do të bien në Veri dhe Jug, ndërsa zonat qendrore mbeten të rrezikuara nga rrebeshe afatshkurtra shiu.
Sipas Meteoalb, territori mbetet edhe gjatë natës në kushtet e vranësirave dhe shirave të përkohshëm.
Mesdita e sotme ka shënuar rreth 8°C më pak se mesdita e së shtunës, ndërsa e hëna sjell sërish rënie te temperaturave.
