Këngëtari Justin Bieber është diagnostikuar me sëmundjen e “Lymes”. Kjo sëmundje është një infeksion bakterial që mund të çojë në probleme të rënda mendore dhe fizike, nëse nuk trajtohet shumë herët.
Bieber e ka ndarë këtë lajm me ndjekësit e tij në rrjetet sociale, ku shprehet se tashmë ka gjetur arsyen pse ai nuk ndiheshe mirë. Më tej ai sqaron se marrja e një trajtimi të duhur, do e ndihmojë në rikuperimin e kësaj sëmundje.
“Ndërkohë që shumë njerëz vazhdojnë të thonë se Justin duket se shumë keq etj, ata nuk kuptuan që kohët e fundit jam diagnostikuar me sëmundjen “Lyme” dhe jo vetëm kaq. Por kam patur një komplikacion të rëndë që ka prekur lëkurën, funksionimin e trurit, energjinë dhe gjithë shëndetin tim.
Këto do të shpjegohen më mirë në një seri videosh që do të publikoj në YouTube, ku do të mësoni me çfarë kam qenë duke u përballur. Marrja e një trajtimi të duhur që do të më ndihmojë në trajtimin e kësaj sëmundje deri tani të pashërueshme, dhe unë do të kthehem më mirë se kurrë”, përfundon Bieber.
“Lyme” është një sëmundje infektive e shkaktuar nga bakteri Borrelia burgdorferi. Shfaqet në formën e njollave të kuqe në formë vezake, që shkaktohen në lëkurë nga pickimi i një lloj insekti të quajtur ‘Ixodes scapularis’.
