Humbja në El Clasiko me rezultatin e thellë 5-1 e ka kthyer në primare çështjen e shkarkimit të trajneri. Fillimisht u raportua që ditën e sotme në Valdebebas do të paraqitej trajneri italian Antonio Conte, por duket se situata ka ndryshuar. Zëvendësuesi i Julen Lopeteguit pritet që të jetë Santiago Solari.
Drejtuesit e klubit janë mbledhur ditën e sotme, për të vendosur shkarkimin e ish-trajnerit të Spanjës dhe për të diskutuar mbi profilin e timonierit të ri. Dy opsione në origjinë: zgjidhja e brendshme, e përfaqësuar nga Santiago Solari që stërvit Real Madrid Castilla (skuadra B) dhe një e jashtme, që i përgjigjet emrin Antonio Conte.
Klubi, për momentin, orientohet më shumë drejt zgjidhjes model “Zidane”, duke u përfaqësuar nga një trajner ose person i brendshëm, në krahasim me Conte që është më ekspert dhe pretendon garanci në merkato dhe sidomos investime në të ardhmen, për të nisur një projekt prestigjioz.
Por, fillimisht duhet zgjidhur çështja Lopetegui, duke qenë se ka kontratë edhe për dy vite të tjera dhe kështu bëhet shumë e vështirë. Ndoshta, shkarkimi do të vijë së shpejti, pasi të zgjidhet edhe ngërçi ekonomik. Ai ka stërvitur ekipin në Valdebebas, por mund të jetë dita e fundit si trajner.
Sipas medieve iberike ai që nuk dëshiron Conte është Sergio Ramos dhe disa lojtarë të tjerë, duke qenë se italiani ka një personalitet të fortë dhe sidomos është pak “diktator”. Kjo mund të prishte disi ekuilibrat.
