Deputeti i Nismës Milaim Zeka u arrestua ditën e sotme nga policia e Kosovës. Sipas policisë shkak për arrestimin e tij është bërë dyshimi se Zeka është përfshirë në një skemë mashtrimi me viza pune në Gjermani. Sipas raportimeve të fundit, mësohet se numri i kosovarëve që tentuan për të emigruar në Gjermani ishin rreth 920 vetë.
Pajisja e tyre me viza premtohej përmes një agjencie punësimi, e cila në fakt ishte një skemë mashtrimi e deputetit Milaim Zeka dhe partnerit të tij, Ilir Krasniqi, shkruhet edhe në investigimin nga media kosovare Insajder Online, më 3 tetor të këtij viti. Nga ana e tyre aplikantët paguanin nga 50 euro deri në 3500 euro për një vizë pune. Megjithatë, pritet që policia dhe prokuroria e Kosovës të zbardhin gjithë skemën e deputetit Zeka dhe përfshirjen e personave të tjerë.
