Italia duket ta ketë kaluar kurbën e koronavirusit, pasi prej ditësh tashmë bilanci është mjaft i ulët në krahasim me ditët më parë.
Sipas mediave italiane, në 24 orët e fundit kanë humbur jetën 454 viktima. Një rritje e lehtë kjo në krahasim me ditën e djeshme, ku regjistruan 433 viktima.
Në tre ditët e fundit Italia, ka shënuar më pak se 500 viktima brenda 24 orëve. Ndërkohë vihet re edhe një rënie në numrin e rasteve të reja. Vendi fqinj regjistroi sot 2,256 raste, ndryshe nga dje ku shënoi 3,047 apo një ditë para kësaj 3,491.
Gjithsej Italia numëron 181,228 raste, duke u renditur e treta për numrin më të madh të personave të infektuar, pas SHBA-ve (770,076) dhe Spanjës (200,210).
Rajoni më i goditur italian, Lombardia duket se po “shërohet” pasi gjatë 24 orëve të fundit janë regjistruar 163 viktima dhe 735 raste të reja me koronavirus. Totali i të infektuarve në këtë rajon ka arritur në 66,971 ndërsa totali i viktimave në 12,376.
Që nga shpërthimi i COVID-19, Italia ka regjistruar 24,114 viktima, duke u renditur e dyta në botë pas SHBA-ve (41,316).
Deri më tani në vendin fqinj janë shëruar mbi 48 mijë persona, ndërsa 108,237 janë ende rasteaktive.
