Në “Air Albania” kuqezinjtë do të presin Armeninë, si dhe do të tentojnë një fitore për të mbyllur sado me një rezultat pozitiv këtë vit. Kjo do të jetë edhe ndeshja e fundit e trajnerit Edi Reja në kontratën e tij, dhe më pas do të vendoset e ardhmja e italianit.
Rreth 2 mijë bileta janë shitur deri tani për ndeshjen. Rezultatet negative kanë bërë që entuziazmi i tifozëve të ngrihet vetëm për të parë ekipet e mëdha e jo kuqezinjtë.
Sot do të synohet triumfi në ndeshjen e fundit të vitit 2022 në të cilin nuk kemi fituar as edhe një sfidë deri tani dhe Armenia është shansi i fundit me trajnerin Reja që do t’i jap lamtumirën stolit të Kombëtares.
Sakaq, kujtojmë se Interesi i tifozëve për të parë miqësoren e luksit me Italinë ishte jashtëzakonisht i lartë me biletat që u shitën të gjitha dhe shkallët e stadiumit u mbushën plot e përplot me tifozët që dëshironin të shihnin yjet italian përpara tyre në fushën e “Air Albania”.
