Kandidati i demokratëve, Joe Biden, ka fituar zgjedhjet presidenciale në SHBA, pas fitores në Pensilvani. Por kundërshtari i tij, Donald Trump, sipas njoftimeve në media, nuk do të njohë fitoren e kandidatit demokrat, Joe Biden.
“Fakti i thjeshtë është që këto zgjedhje nuk kanë marrë fund ende”, bëri të ditur Trump të shtunën. Biden “në mënyrë të gabuar” e paraqet veten si fitues, dhe mbështetet në këtë pikë nga “aleatët e tij të medias”, ka thënë Trump.
Më herët, Trump kishte bërë me dije se nuk do të njohë rezultatin, dhe për këtë do të shkojë deri në Gjykatën Supreme. Trump ka folur për manipulime zgjedhjesh, por nuk ka sjellë deri më tani prova për atë që “demokratët” duan t’i vjedhin zgjedhjet.
