Publicisti dhe ish ministri, Besnik Mustafaj ka komentuar rreth situatës politike, veçanërisht për gjendjen aktuale të Partisë Demokratike. Mustafaj nuk i ka kursyer kritikat ndaj kryedemokratiot Basha në lidhje me strategjitë e drejtimit të PD-së. Ai thekson se Partia Demokratike është e vonuar në hartimin e një strategjie me qëllime të qarta për të arritur në rezultat konkrete të protestës së tyre.
Për zërat kundër kryetarit Basha që vijnë nga brenda PD-së, Besnik Mustafaj i shikon si mjaft pozitive. “Këto zëra e pasurojnë debatin brenda PD, do doja të kishte më shumë zëra të tillë. Nuk ka çarje të Partisë Demokratike. Por tani është vonë të bëhet debat, duhet të ishte bërë më herët, për një strategji më të mirë,” tha Mustafaj.
Zërat kundra siç janë Eduart Selami, Majlinda Bregu dhe Jozefina Topalli për Mustafajn tregojnë të njëjtin problem që ai analizon. Pikërisht këto zëra kanë akuzuar kryetarin Basha se nuk ka pasur një vizion të qartë në drejtimin e Partisë Demokratike kur e futi këtë të fundit në çadër dhe e largoi nga parlamenti. Po këto zëra kanë shprehur rezerva për mungesën e mbledhjeve të grupit drejtues, të kryetarëve të degëve të PD-së dhe të asamblesë kombëtare.
Besnik Mustafaj në mënyrë indirekte dhe pse i tërhequr nga politika aktive ka ditur të reagojë dhe të thotë mendimet e tij për partinë politike në të cilën ai bën pjesë. Me Besnik Mustafajn shtohet numri i të pa kënaqurve më mënyrën se si po e drejton PD-në, Lulim Basha.
