Besimtarët myslimanë festojnë sot Kurban Bajramin. Mijëra besimtarë, mëngjesin e sotëm iu drejtuan xhamive, ku falën namazin.
Namazi i Kurban Bajramit u fal duke zbatuar protokollin e sigurisë, për shkak të situatës së rëndur nga epidemia.
Falja u bë duke respektuar masat kundër Covid-19, të përcaktuara edhe nga Komiteti Mysliman i Shqipërisë.
Pothuajse të gjithë besimtarët kanë qenë të pajisur me maska, ndërsa kanë respektuar distancimin social.
Ndërkohë, ceremonia qendrore në Tiranë u zhvillua në Xhaminë e ‘Kokonozit’. Festa e Kurban Bajramit simbolizon për besimtarët e fesë islame sakrificën e bërë nga njeriu për të fituar faljen, mëshirën dhe shpërblimin e Zotit.
