Ish-kryeministri Sali Berisha, në konferencën me gazetarët, ka zbuluar se Edi Rama ka takuar në një prej vilave qeveritare Alqi Bllakon, ditën kur ish-deputeti u zhduk me orë me radhë, përpara dorëzimit në polici.
“Bllako u arratis në Qafë-Botë dhe thonë se u kthyen me avion nga Greqia. Kush e urdhëroi Gledis Nanon, që të mashtrojë qytetarët shqiptarë në dy të mëngjesit? Ishte ky një vullnet i tij i sëmurë, apo e urdhëroi ministri i familjes Çuçi? Njeriu i fundit që ka takuar Bllakon në Tiranë është Edi Rama, në një nga vilat qeveritare në Tiranë. Afera e inceneratorëve kryesohet nga Edi Rama dhe përfundon me Alqi Bllakon”, tha Berisha.
