Kreu i grupit parlamentar i PS-së, Taulant Balla, ka reaguar menjëherë pas vendimit të SHBA-së për të shpallur “non grata” Sali Berishën dhe familjen e tij. Ai ka përshëndetur vendimin e SHBA-së, duke postuar një fragment të deklaratës zyrtare të DASH.
Departamenti i Shtetit ka shpjeguar shkakun e shpalljes “non grata” nga SHBA-të, të ish-kryeministrit Berisha dhe familjes së tij. Në listën e zezë janë edhe bashkëshortja Liri Berisha, djali Shkëlzen Berisha dhe vajza Argita Berisha Malltezi. Në njoftimin e vendimit për të shpallur “non grata” Sali Berishën, Sekretari amerikan i Shtetit Antony Blinken thotë se Berisha ishte i përfshirë në veprime korruptive, ‘të tilla si shpërdorimi i fondeve publike dhe ndërhyrja në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e saj politikë dhe në dëm të besimit të publikut shqiptar në institucionet qeveritare dhe zyrtarët publikë”.
Statusi
“PËRSHËNDES VENDIMIN E SHTETEVE TË BASHKURA TË AMERIKËS NDAJ SALI BERISHËS:
“Aktet e korruptuara të ish-Presidentit të Shqipërisë Sali Berisha kanë minuar demokracinë në Shqipëri. Po e shpall Berishën dhe anëtarët e afërt të familjes së tij si të papranueshëm për të hyrë në Shtetet e Bashkuara.
Ne mbetemi #tëbashkuarkundërkorrupsionit me partnerët tanë në Shqipëri.”
Sekretari i Shtetit
Antony Blinken
It is a beatiful day for the Albanian Democracy”, shkruan numri dy i Partisë Socialiste, Taulant Balla.
