Ish kryeministri Berisha i ka kërkuar ministrit të Brendshëm, Fatmir Xhafaj që të përfshihet edhe ai në procesin e vettingut të Policisë së Shtetit.
Duke folur në Kuvend gjatë shqyrtimit të projektligjit për verifikimin e pasurive të uniformave blu, Berisha tha se Xhafaj duhet të kontrollohet pasi ka në familje vëllain të dënuar me 14 vite nga gjykata italiane.
“Unë e kuptoj që kushtetuta nuk të detyron, por morali ka kushtetutën më supreme. Morali të detyron ty që së bashku me të gjithë punonjësit civilë të asaj ministrie ti nënshtroheni vettingut. Si do ti kërkosh policëve ti se me cilin trafikant ke pirë kafe, ndërkohë që vetë e ke gjarprin në gji, e ke në familje, njeriun e dënuar 14 vite nga gjykata italiane”, tha Berisha.
