Pas përfundimit pa sukses të negociatave të fundit për zgjidhjen e ngërçit politik, ish lideri demokrat, Sali Berisha fajëson Kryeministrin Edi Rama, si autorin e bllokimit të zgjidhjes. Sipas tij, Rama është i vendosur të vazhdojë fushatën për të varrosur pluralizmin dhe vendosur monizmin në Shqipëri, qoftë dhe me çmimin e një konflikti të ashpër.
Në një postim në profilin e tij në FB, Berisha shkruan: “Opozita e bashkuar e pranoi plotesisht paketen dhe informoi per kete vendim ambasaden e SHBA. Paketa McAllister parashikon votimin e vettingut ne parlament. Kete pakete kompromisi, e cila ishte pranuar nga Edi Rama, gje qe e konfirmoi ne nje deklarate te tij te dt. 26 prill delegacioni i BE ne Tirane, dje Edi Rama e hodhi poshte dhe e refuzoi ate”.
Sipas tij, “Rama nuk nuk e voton vettingun nga frika dhe tmerri i Sarajeve te Surrelit, pallatit 5 katesh, lidhjeve te tij te tmerrshme me drogen, vjedhjet e tij qindra miloneshe ne ÇEZ dhe koncesione te tjera”.
Berisha vlerëson se “refuzimi i paketes McAllister nga Rama eshte pra refuzimi i vettingut dhe deshmi e vullnetit te tij per te bere vettingun vete dhe zevendesuar Opoziten e sovranit me opoziten e tij te kartelit, pra me ato parti qe i regjistroi me firma te mbledhura nga PS”.
Ndaj u bën thirrje të gjithë qytetareve shqiptar, në veçanti të gjithë atyre që besuan mashtrimin e Ramës, se opozita nga frika nuk e voton vettingun, “të bashkohen me revolucionin demokratik per t’a hedhur Edi Ramen, këtë fantazmë te Enver Hoxhes qe do me çdo çmim te varrose pluralizmin ne Shqiperi, ne koshin e plehrave te eterve te tij mizore”.
