Ish-kryeministri, Sali Berisha tha sonte se Saimir Tahiri ka kërcënuar kryeministrin se ka pesë dosje ndaj vëllait të tij Olsi Rama dhe për këtë ai duhet të hesht. Në emisionin “Studio e Hapur” të gazetares Eni Vasili, Berisha tha se Saimir Tahiri para se të dilte në emisionin “Opinion” mori në telefon presidentin e futboll klub “Partizani” Gaz Demi, që t’i dërgojë lajm Edi Ramës se Tahiri kishte në dorë 5 dosje ndaj vëllait të Edi Ramës. Berisha tha se Tahiri ka një dosje që e implikon drejtpërdrejtë Olsi Ramën me dosjen e Xibrrakës.
Berisha: Tahiri mori në telefon Gaz Demin dhe i tha: Thuaj ati (duke iu drejtuar Ramës) … se kam pesë dosje për vëllanë e kryeministrit dhe në këto dosje njëra është ajo e Xibrrakës ku një ka të kërkuarit kryesor është Olsi Rama, vëllai i Edi Ramës. Biseda telefonike të Ramës me Shullazin ku ai i garanton Ramës se ky i fundit do të fitonte zgjedhjet. Dosje e Fatmir Xhafës dhe lidhjet kriminale të vëllait të tij për lidhjen me botën e krimit. Dosja e Fatmirit është shumë më e madhe se ajo e Tahirit.
