Duke akuzuar kryeministrin Edi Rama se po kërkon të shkatërrojë pluralizmin politik në Shqipëri duke krijuar opozita artificiale, ish-kryeministri Berisha hoqi një paralele me atë që ndodhi në vitin 1990 nga Ramiz Aliu me prodhimin e opozitave të stisura.
Në një intervistë për “News 24”, Berisha vuri në dukje se kryeministri Rama me retorikën e tij politike se mund të shkojë në zgjedhje pa opozitën, i ngjan ish-presidentit Ramiz Alia i cili sipas Berishës shndërroi në subjekte elektorale levat e partisë; gruan, bashkimet profesionale, frontin dhe rininë.
“Edi Rama tregon deri tani se është i vendosur të asgjësojë pluralizmin. Nuk ka vepër më kriminale që mund të imagjinohet se sa një kryeministër që thotë unë do shkoj pa opozitën dhe do e krijoj opozitën thotë. E di ç’bëri Ramiz Alia në vitin 1990? Nën shembullin e Millosheviçit, se jugosllavët i kishin, futi dhe shndërroi në subjekte elektorale levat e partisë; gruan, bashkimet profesionale, frontin, rininë e me radhë. Ky është pluralizëm tha. Mirëpo në politologji, në doktrinë, ky quhet pluralizëm burokratik”, u shpreh dje Berisha.
Pyetja që lind natyrshëm, a nuk ishte edhe vetë Berisha një produkt i Ramiz Alisë për të ushtruar funksionin e drejtuesit të opozitës artificiale, me Lëvizjen e Studentëve të Dhjetorit dhe më pas në drejtimin e Partisë Demokratike?
