Ish-kryeministri Sali Berisha ka publikuar mesazhin e një qytetari dixhital, i cili ka dërguar kërcënimin në audio që një biznesmen i bën banorëve të Mirditës.
Sipas Berishës, personi që dëgjohet në materialin audio është një sipërmarrës i cili kërkon të ndërtojë 4 HEC-e në Kaçinar të Mirditës, dhe kërcënon banorët që e kundërshtojnë.
Qytetari që ka bërë këtë denoncim deklaron se është kërcënuar me jetë, pasi administratori i Kaçinarit i ka thënë se mund të paguajnë edhe 50 mijë euro për ta eliminuar.
POSTIMI I BERISHËS:
Sipërmarrësi kërcënon dhe ofron para për të korruptuar banorët në Kaçinar, të cilëve iu merr ujin për HEC!
Lexoni mesazhin dhe dëgjoni audion e qytetarit dixhital! sb
Prsh. z Berisha jemi do banor të Kaçinarit Mirditës aty duan të ndërtojnë 4 HEC-e banoret e këtyre fshatrave nuk janë dakord kemi bërë peticion me firmat kundra ndërtimit të HEC-eve ia kemi dërguar Edi Ramës, ministres Balluku, prefektit, kryetarit të bashkisë Mirditë Ndrec Deda por s’kemi marrë përgjigje. Dje pata një takim me administratorin e Kaçinarit ai më bëri presion duke më thënë i paguajmë edhe 50 mijë euro me të eliminuar, e kam audion po ta dërgoj tani ja ku ka katandis rilindja.
Administratori e ka emrin Gjet Shkurti ai që kërcënon është administratori Gjet Shkurti ndërsa ky i tjetri është xhaxhai vet firma ndërtuese Shpërdhaza energji.
