Ish-kryeministri Sali Berisha ka akuzuar kreun e qeverisë Edi Rama se ka marrë para nga Saimir Tahiri për t’i shpëtuar burgut.
Kjo është arsyeja, sipas Berishës, përse kryeministri Rama detyrohet ta mbrojë deputetin Tahiri.
“Pse nuk flet Rama për Tahirin, pse nuk thotë gjysëm fjale për patentat?”, pyeti ndër të tjera ish-kreu i PD-së nga foltorja e Kuvendit.
Po ashtu, deputeti demokrat paralajmëroi se shumë shpejt shqiptarët do shohin se kush është Rama i vërtetë dhe së shpejti do marrë fund.
FJALA E BERISHËS:
Pse nuk flet Edi Rama për Saimri Tahirin? Pse nuk thotë një gjysëm fjalë për dy patentat? Po i ngushtohet rrethi. Po të mos jetë Edi me Olsin, Samirit s’do ia mbante kurrë as të mendonte të krijonte këtë situatë. Një pjesë e madhe e socialistëve s’kanë asnjë lidhje me kanabisin. Në këto kushte ikja dhe mbathja është e vetmja zgjidhje. Ka një javë që Rama ia mbath nga frika.
Si i shpëtoi Saimir Trafiku burgut do thoni ju? I dërgoi 3 milionë euro në zyrë Noriegës tuaj, ja kështu shpëtoi.
Do iu them socialistëve që është e shkurtër dita dhe e afërt koha që ju të gjithë do skuqeni kur të shihni se cili është Edi Rama i vërtetë. Do vijë ajo ditë dhe Shqipëria do shpëtojë, nuk i dilet me sulmet kundër medias, opozitës dhe as me mashtrime. Ka krijuar narko-shtetin dhe do jetë viktimë e narko-shtetit.
Kjo ngrehine ndërtuar mbi drogën do zërë Olsi Ramën, Saimir Tahirin dhe ata që ndërtuan këtë ngrehinë./ Tirana Today
