Me anë të një mesazhi në Twitter, kryeministri Rama iu është kundërpërgjigjur zërave kritikë se qeveria nuk ka dhënë asnjë ndihmë për Ukrainën. Kreu i qeverisë sqaron zërat kritikë se kontributi nga pala shqiptare ka qenë i pakursyer, e madje kemi qenë ndër shtetet e para që kemi ndihmuar.
Reagimi i Ramës vjen pas propozimit nga Grupi i Rithemelimit të Sali Berishës, për një tjetër rezolutë, për të dënuar agresionin rus në Ukrainë dhe sulmeve ndaj qeverisë se nuk ka dhënë asnjë ndihmë konkrete. Ai thotë se nuk e kemi dhënë për t’u dukur këtu në Tiranë, dhe aq më pak për të luftuar me gratanongratat e Tiranës.
“Jam shumë krenar që pavarësisht se vend i vogël mes të mëdhenjve të botës kemi ditur të dëgjohemi me respekt në mbështetje të Ukrainës në OKB, kemi ditur të shikohemi me respekt në NATO, kemi ditur të trajtohemi me respekt nga SHBA dhe i jemi gjendur me shumë respekt. Disa politikanë e analistë mbrojnë Ukrainën për të sulmuar qeverinë, që sipas tyre nuk ka dhënë asnjë ndihmë konkrete! Jo vetëm e kemi dhënë, po e kemi dhënë ndër të parët. Por nuk e kemi dhënë për t’u dukur këtu në Tiranë dhe aq më pak për të luftuar me gratanongratat e Tiranës!”, shkruan Rama në Twitter.
Jam shumë krenar që pavarësisht se vend i vogël mes të mëdhenjve të botës kemi ditur të dëgjohemi me respekt në mbështetje të Ukrainës në OKB,kemi ditur të shikohemi me respekt në NATO,kemi ditur të trajtohemi me respekt nga SHBA dhe i jemi gjendur me shumë respekt Ukrainës????
— Edi Rama (@ediramaal) March 2, 2022
