Ish-kryeministri ka pranuar gabimet e opozitës për humbjen e thellë, ndërsa nga ana tjetër tha se qeveria nuk siguroi as procesin e votimit, duke vjedhur dhe blerë votat e shqiptarëve.
Gjatë fjalës së tij në foltore, Berisha tha se 2.4 milion shqiptarë ndëshkuan qeverinë e Ramës duke mos e votuar dhe sidomos duke e bojkotuar.
Më tej, Berisha tha se fenomeni i drogës është mjaft shqetësues, ndërsa iu drejtua Ramës duke i kërkuar të shkonte me të që të bënin testin e drogës.
FJALA E BERISHËS:
Në kushtetutën e vendit kjo seancë mblidhet për programin e qeverisë së 4 viteve që vijnë, mazhorancë e dalë nga 74 deputetë, e transformuar me 78 deputetë.
Kur sheh fytyrat e këtyre që qëndrojnë pas meje, konstaton menjëherë që ka zi ë fytyrat e tyre, që ka pasiguri të madhe.
Edi Rama mbajti një fjalim të ndryshëm nga ai i 4 viteve më parë, por e mbajti të diktuar nga një panik të madh. Nga vjen ky panik? Ky njeri ulet aty me kushtetutë kryeministër i vendit, ai e di mirë se përveç kushtetutës me ligje, ekziston kushtetuta morale e njeriut.
Në atë kushtetutë morale, ju vini si një pseudo mazhorancë e vërtetë. 2.4 milion shqiptarë ju përbuzën, ju ndëshkuan. Unë nuk përdor terma që “ju dhanë grushte ose shuplaka”, por e vërteta është se 2.4 milion shqiptarë me votën kundër dhe akoma më keq me bojkotin jua shndërruan ju fitoren në një dasëm pa nuse. Çfarë fitoreje është kjo kur procesi themelor jetik për lirinë nuk u besua.
Mund të thoni po ju ku ishit?
Ne nuk realizuam objektivin tonë dhe patëm gabimet tona, por procesi i votimit është themelor dhe e bën qeveria.
Berisha-Ramës: E mbushe vendin me drogë. Po ta lehtësoj procesin, hajde bëjmë bashkë testin e drogës ku të duash./Tirana Today
