Kreu i Partisë Demokratike, Lulzim Basha shprehet i bindur se do të fitojë në zgjedhjet e 25 prillit. Teksa na ndajnë më pak se 3 muaj nga zgjedhjet, ende nuk është bërë i ditur se ku do të kandidojë lideri historik i PD, Sali Berisha.
I pyetur në ”ABC News”, nëse do ta vendoset Berisha përballë kryeministrit Edi Rama në Durrës, kryedemokrati u tregua i rezervuar.
“Unë nuk preferoj të flas me nëse, këto janë çështje të cilat javët e ardhshme do të bëhen fare konkrete për të gjithë”, tha Basha.
Në lidhje me Kodin Zgjedhor, i cili jep munësi për të garuar më shumë se sa në qarkun e Tiranës, Basha thotë se ka respektuar opinionin e Venecias, sipas së cilës është e pa drejtë që kryetarët të garojnë në më shumë se sa një qark.
