Ish-kryeministri Sali Berisha paralajmëroi se nëse kapet sistemi i drejtësisë nga kryeministri, atëherë vendi do të shkojë drejt dhunës dhe destabilizimit. I ftuar në emisionin ‘Studio e Hapur’ të gazetares Eni Vasili në ‘News24’, Berisha sqaroi pse mbështeti Lulzim Bashën të hyjë në zgjedhje, pasi në të kundërt vendi mund të shkonte në konflikt civil.
Berisha: Nëse vdes drejtësia dhe merret në dorë nga një njeri që bën gjykatësin, prokurorin dhe kryeministrin këtu nuk ka zgjidhje tjetër përveç destabizlimit të vendit. Nëse vdes drejtësia nuk mbetet gjë tjetër veç dhunës, Unë e mbështeta Bashën që të hyjë në zgjedhje se të mos hysh në zgjedhje do të thotë të çosh vendin në një konflikt civil që unë nuk jam dakord.
