Edhe pse u shpall person ”non grata” nga Departamenti Amerikan i Shtetit, ish-kryeministri Sali Berisha nuk ka ndërmend që të lërë mandatin e deputetit, që e fitoi nga zgjedhjet e 25 prillit.
Gjatë një konference për mediat, Berisha u shpreh se sekretari i shtetit, Anthony Bliken nuk ka paraqitur prova që faktojnë vendimin e tij.
Sipas Berishës, provat janë të montuara në Tiranë, dhe pikërisht në zyrën e kryeminsitrit Edi Rama.
Sali Berisha: ”Në qoftë se Sekretari i Shtetit do të paraqiste prova unë do ta konsideroja. Por jo me këto prova të montuara në Tiranë te zyra e Edi Ramës. Kërkova që të paraqitej një fakt i vetëm sepse do mjaftonte një fakt dhe do të merrje vendime krejt të tjera. Kishin 0 fakte. Nuk humbas do të jap të gjitha do të bëj çdo përpjekje që të paraqiten në gjykatë provat ndaj meje”.
Berisha do të padisë për shpifje sektetarin amerikan të shtetit, Anthony Blinken, pasi vendimit të tij për ta shpallurr ”non grata” atë së bashku me familjen.
Ish-kreu i qeverisë bëri me dije se avokati që do të merret me çështjen e tij do të jetë nga Franca, dhe padia ndaj Blinken do të bëhet nga Gjykata Konveksionale e Parisit.
