Ministrja e Drejtësisë, Etilda Gjonaj deklaroi se Departamenti Amerikan i Shtetit (DASH), ka ndjekur një proces të gjatë, dhe ka pasur arsyet e veta për të shpallur ”non grata”, ish-kryeministrin Sali Berisha.
Deklarata e Gjonajt u bë ditën e sotme në emisionin ”Kjo Javë” në News 24. Sipas ministres, Partia Demokratike e ka marrë në mbrotje Berishën, çka tregon një standard të dyfishtë me mazhorancë, pasi kryeministri Edi Rama është shprehur se PS nuk do të shërbejë për asnjë politikan, që ka probleme me drejtësinë.
Etilda Gjobaj: ”Për sa kohë që DASH ka ndjekur një proces të gjatë e të thellë për të dalë në një vendim të tillë, që është një vendim goxha i rëndë besoj që kanë patur arsyet e tyre për ta nxjerrë këtë e për ta bërë publike. Por ajo c’ka është shumë e rëndësishme, dhe besoj që nuk kanë interes komentet aq sa ka interes qasja e partisë e cila mbështet ose jo raste të tilla, nëse i referohem korrekt fjalimit të kryeministrit në kongres, e tha qartësisht që partia nuk do të shërbejë për asnjë deputet asnjë ministër apo anëtar partie, nëse do të ketë probleme me ligjin, korrupsionin apo problem paligjshmërie. Ndërsa fatkeqësisht nga ana e PD, pamë një qasje tërësisht ndryshe duke e marrë në mbrojtje z.Berisha. Dhe unë besoj që nuk është normale të kemi dy standarde. Kur në momentin që SHBA na mbështesin ne, ne themi që ata janë më të mirët, dhe kur japin një vendim të tillë, themi që ‘jo ky nuk është një vendim i drejtë’. Besoj se ky është komenti im në këtë gjë.”
