Ish-kryeministri Sali Berisha ka folur sot nga Shkodra për situatën që po kalon Partia Demokratike, bashkimin e demokratëve, emrin për Presidentin e ri, por edhe për qeverinë.
Berisha ka deklaruar se ende nuk ka një emër për President, por hodhi poshtë mundësinë e një konsensusi me Ramën për zgjedhjen e Kreut të ri të Shtetit. Gjatë një deklarate nga Shkodra, ai tha se s’do votojë kandidatët e Ramës.
“Nuk merrem me propozimet e Edi Ramës. S’kemi një emër që të propozojmë për President. Nuk do të votojmë kandidatët e Edi Ramës. Ti votosh do të thotë ta replikosh, të kesh formën e tij. Konsensusi me Edi Ramën është të puthesh me Judën. Ai vuan nga kompleksi i vdekjes, edhe në gjumë i dal”, tha Berisha.
Ndërsa sa i përket bashkimit ndërmjet demokratëve, tha se padyshim është koha që të bashkojnë forcat.
“Nuk jam takuar sot për herë të parë, është padiskutim një bashkim i padikutueshëm me deputetët e Shkodrës. Është koha të bashkojmë forcat dhe energjitë tona përballë një regjimi, që përbën një organizatë të vërtetë kriminale nga aktet e plaçkitjes së këtij vendi”, tha Berisha.
