Ish-kryeministri Sali Berisha ka zbuluar në emisionin “Open” në News24, se kur ambasador ishte Donald Lu, ai i ka kërkuar që të merrte drejtimin e PD-së. Berisha tha se i kishte dhënë në atë kohë një përgjigje të prerë. Ndonëse nuk ka mbështetjen amerikane për shkak të “non gratës”, Berisha shprehet i vendosur se PD-ja mund të marrë pushtetin. Sa i takon padisë ndaj sekretarit amerikan, Blinken, Berisha pohoi se nuk do të tërhiqet, por betejën do ta vazhdojë derisa të jetë gjallë.
PJESE NGA BISEDA NE STUDIO
Berisha: Kur më është propozuar nga të tjerë të marr PD-në, kanë marrë një “jo” të thatë. Nuk lëviz unë ashtu.
Rakipllari: Nga kush të tjerë?
Berisha: Edhe vetë Donald Lu psh. Jo nuk lëviz unë ashtu. Unë bazoj gjithçka tek shqiptarët.
Rakipllari: Besoni se një forcë politike mund të marrë pushtetin pa mbështetjen e aleatit strategjik?
Berisha: Në mënyrë absolute 100%, me një kusht. Të ketë parime të drejta. Ky është kushti.
Rakipllari: Ju do rrëzoni një kryeministër që bën korrupsion, ndërkohë që jeni “non grata” për këtë.
Berisha: Në një kohë që jam rasti unik në botë, i dyti jo i vetmi që kam paditur Sekretarin e Shtetit. Unë do të vazhdoj sa të jem gjallë, edhe kryeministër po u bëra do të vazhdoj.
