Ish-kryeministri Sali Berisha ka reaguar pas deklaratave të kreut të qeverisë, Edi Rama, lidhur me çështjen e detit me Greqinë.
Rama tha më herët se nuk ka një marrëveshje me Greqinë dhe se marrëveshja e vitit 2009 ishte një tradhti kombëtare e Berishës, Metës dhe Lulzim Bashës.
Në një lidhje të drejtpërdrejtë me emisionin “Opinion”, Berisha përpara deklaratës së Mitsotakis në parlament, pala greke ka njoftuar paraprakisht palën shqiptare dhe opozitën.
“Së pari, në marrëveshjen e vitit 2009, LSI ka qenë në opozitë. Së dyti më duhet t’i them publikut se ndjehem i lehtësuar, pasi dëgjuat për treçerek ore se ç’përfaqëson njeriu i cili gënjeu, mashtroi dhe nuk dha asnjë shpjegim. Ai ishte si Kryeministri i dajres dhe kazanit. Qeveria ka notifikuar para deklaratës, autoritetet shqiptare të dy krahët të pozitës dhe opozitës”, tha ai.
