Analisti Fatos Lubonja, teksa ka qenë i ftuar në emisionin “Studio e Hapur” në “News24”, ka dhënë mendimin e tij lidhur me qeverisjen e PD-së, nën drejtimin e ish-kryeministrit Berisha.
Ai e tha troç se Berisha nuk ka qenë zgjedhja më e mirë. Duke qëndruar në të njëjtën linjë, Lubonja tregohet edhe më i ashpër në qëndrimin e tij, duke mos u kursyer, e cilësuar ish-kryeministrin Berisha si e keqja brenda grupit demokrat.
“Berisha nëse jep shembullin e një demokrati, duhej të fillonte dialogun me moncionistët, jo të jepte modelin me të cilin populli ishte mësuar.
Ne kishim afeksion ndaj autoritarizmit, se ishim mësuar me Enver Hoxhën. Berisha nuk dha një shembull që dhe populli të paraqiste atë pjesën e tij të mirë.
Dhe kjo nuk duhet justifikuar me atë determinizmin historik të këtij populli. Por kjo është edhe me përgjegjësi, se në fund të fundit njerëzit e ndryshojnë historinë. Mendimi im është që Sali Berisha nuk ishte zgjedhja më e mirë, ndoshta më e keqja brenda atij grupi”, tha Lubonja.
