Miss Serbia, Irina Jovanka tërhoqi vëmendjen me gjestin që bëri gjatë një konkursi bukuri të mbajtur në Kosovë, ku ishin mbledhur përfaqësuese të 21 shteteve nga e gjithë bota.
Teksa po sfilonte në pasarelë, Irina bëri shenjën e shqiponjës me duar, për të cilën tha se ishte një formë respekti. Këtë moment, ajo ka zgjedhur ta publikojë edhe në llogarinë e saj në “Instagram”.
https://www.facebook.com/04online/videos/629613450857587/?t=1
Mirëpo, mediat serbe janë treguar të ashpra ndaj veprimit të bukuroshes serbe, duke e konsideruar gjestin e saj një “SKANDAL”.
“Madje nuk i erdhi keq as ta bënte simbolin me dy vajzat që përfaqësonin Shqipërinë dhe Kosovën, simbolin e Shqipërisë së madhe”, shkruhet në artikullin e “Kurir”.
Ndërsa, pronarja e agjencisë së modelingut nga ku u përzgjodh Irina, bën përgjegjës personat organizativ.
“Kompania ime gjithmonë ka qenë e ndërgjegjshme për interesin e kombit dhe të popullit tonë. Natyrisht, nuk kam asnjë lidhje me zgjedhjen e vajzës apo atij që e ka dërguar. Unë nuk jam i sigurt se ajo e di se çfarë po bën, por jam i sigurt se ata që e kanë dërguar dhe që kanë organizuar këtë zgjedhje e dinë mirë.”
