Regjisori i famshëm amerikan, Oliver Stone, ka zgjedhur të vaksinohet kundër Covid-19 me vaksinën ruse Spuntik V, duke përjashtuar dy vaksinat e kompanive në SHBA, Pfrizer dhe Modrerna.
“Sapo bëra vaksinën ruse para pak ditësh. Nuk di a do të funksionojë por kam dëgjuar gjëra pozitive”, tha regjisori amerikan për televizionin moskovit Channel One.
Stone, i cili ka vizituar centralet bërthamore të Rusisë për dokumentarin e tij të ri mbi ndryshimin klimatik është shprehur se do të marrë edhe dozën e dytë të vaksinës.
“Kam besim. Është një vaksinë e mirë por nuk po kuptoj pse injorohet nga Perëndimi”, tha u shpreh Stone.
Rusia ka nisur një fushatë vaksinimi në nivel kombëtar, duke nisur nga punonjësit me risk të lartë.
Stone i cili është rreth 74 vjeç, ka vendosur të marrë vaksinën, edhe pse ekspertët rusë mendojnë se mund të jetë e dëmshme për pacientët e moshës mbi 60 vjeç.
Zhvilluesit e Sputnik V thanë këtë vjeshtë ata filluan provat midis 150 vullnetarëve të moshës mbi 60 vjeç për të përcaktuar sigurinë e tij.
Rusia ka konfirmuar rreth 2.7 milion infeksione dhe gati 47,500 vdekje që nga fillimi i pandemisë.
