Deputeti Ilir Beqaj ka folur në lidhje me krizën politike në vend dhe ngërcin me ngritjen e Gjykatës Kushtetuese.
I ftuar në emisionin ‘Java në RTSH’, Beqaj deklaroi se kryeministri Edi Rama është personi më i interesuar sot për të shkuar në zgjedhje. Sipas tij, nëse Rama hyn në zgjedhje duhet edhe një angazhim nga ana e Bashës që të njohë rezultatin e dalë.
“Por ka dy aspekte. Së pari kemi rënë dakord edhe me partnerët që të bëjmë një reformë zgjedhore fillimisht. Gjithashtu BE na dha disa detyra deri në Samitin e Zagrebit. Pra Rama ka marrë angazhim para partnerëve për të bërë maksimumin për reformën në Drejtësi, Gjykatën Kushtetuese, atë zgjedhore etj. Së dyti, nëse Rama shkon në zgjedhje, a pranon të hyjë Lulzim Basha dhe të njohë rezultatin? Pra duhet një angazhim nga ana e Bashës që do t’i njohë zgjedhjet nëse zhvillohen sot”, tha ai.
