Kryetari i Libra, Ben Blushi reagoi sërish në rrjetin social “Facebook” për marrëveshjen e arritur mes Partisë Demokratike dhe Partisë Socialiste. Blushi sulmon këtë herë ish-kryeministrin Sali Berisha duke thënë se dhe ai është futur në rilindje dhe është pjesë e saj.
Më parë nga Korça, Blushi tha se PS, PD dhe LSI-ja kanë vendosur të bashkqeverisin duke ndarë ministrat midis tyre. Qeveria e Shqipërisë u nda si plaçkë. Tani ai sulmon drejtpërdrejtë Berishën duke thënë se ai po qeverisë me Ramën. Blushi thotë se Shqipëria nuk e kishte imagjinuar këtë koalicion dhe sigurisht nuk e kishte merituar dhe se ai do ta rrëzojë këtë bashkëqeverisje, në 25 qershor, me vota si çdo të keqe.
Postimi i plotë i Ben Blushit në Facebook
Bashkëqeverisja e Saliut me Edi Ramën
Pasi e mbushën Rilindjen me banditë dhe trafikantë, me kriminelë dhe kanabistë futën dhe Saliun në Rilindje. Kjo marrëveshje do mbahet mend në historinë e vendit si marrëveshja që ndau burgjet, paratë e energjisë,hipotekat dhe legalizimet mes Rilindjes dhe Partisë Demokratike. Kjo është bashkëqeverisja e Sali Berishës me Edi Ramën. Shqipëria nuk e kishte imagjinuar këtë koalicion dhe sigurisht nuk e kishte merituar. Natyrisht do zgjasë shumë pak deri në 25 qershor. Do ta rrëzojmë me vota si çdo të keqe.
