Kryetari i Forumit Rinor të Partisë Demokratike, Belind Këlliçi përsërit se protesta e sotshme do jetë tërësisht paqësore dhe se ata protestojnë për vjedhjet që sipas tyre, u bënë më 30 qershor.
Këlliçi ka shpjeguar edhe arsyet se pse pjesë të protestës bënë edhe gomerët, duke deklaruar se kjo ishte në formë simbolike për të treguar se kush ndodhet në krye të KQZ-së.
“KQZ nuk është më autoriteti i menaxhimit të zgjedhjeve, ai është Komisioni Qendror i Vjedhjeve dhe morëm si simbolikë të kësaj gomarin për të treguar se gomari qëndron në krye. Nuk është më e re të thuhet se ata vodhën edhe votat e tyre, 30 qershori ishte një proces i deformuar”, shprehet Këlliçi.
Më tej ai thekson se Partia Demokratike njeh vetëm zgjedhjet që do të zhvillohen më 13 tetor dhe se ata po përgatiten për ato zgjedhje.
Deklarata e Belind Këlliçit:
Protesta e sotme do të jetë tërësisht paqësore. Pati një vonesë të vogël në nisje sepse kiashte shumë trafik në rrugët hyrëse në kryqytet. KQZ nuk është më autoriteti i menaxhimit të zgjedhjeve, ai është Komisioni Qëndror i Vjedhjeve dhe morëm si simbolikë të kësaj gomarin për të treguar se gomari qëndron në krye. Nuk është më e re të thuhet se ata vodhën edhe votat e tyre, 30 qershori ishte një proces i deformuar. Ne kemi protestuar për të mos shkuar me Edi Ramën Kryeministër, ndërkohë ne nuk i njohim zgjedhjet e 30 Qershorit.
Sigurisht, zgjedhjet do të zhvillohen me 13 Tetor dhe ne po përgatitemi për këtë datë. Ne vazhdojmë me protestën tonë dhe do të vijojmë deri me arritjen një rezultati final ku nuk do të ketë zgjedhje moniste por të lira dhe të ndershme. Deri me 13 Tetor do të ketë shumë zhvillime, por deri atëherë e rëndësishme është zbatimi i detyrimeve ligjore. Ai dekret prevalon mbi çdo dokument dhe qëndrim tjetër.
