Belgjika është një ndër shtetet më të prekura nga pandemia e Covid-19.
Shumë prej mjekëve janë infektuar, ndaj në Liezh, bluzave të bardha u është kërkuar që të vazhdojnë punën edhe nëse janë me Covid.
Rreth një e katërta e stafit mjekësor në Liezh janë prekur nga virusi.
Ndërkohë, 10 spitale kanë kërkuar që personeli që ka rezultuar pozitiv por nuk ka simptoma të vazhdojë të punojë.
Kreu i Shoqatës Belge të Sindikatave Mjekësore i tha BBC se ata nuk kishin zgjidhje tjetër nëse do të parandalonin kolapsin e sistemit spitalor brenda disa ditësh.
Qyteti lindor i Liezh ka një shkallë të lartë infektimi pasi mesatarisht 1 në 3 qytetarë që testohen rezultojnë pozitivë.
