Përfundon ndeshja midis Belgjikës dhe Rusisë, e vlefshme për grupin B të kompeticionit europian ”EURO 2020”. Skuadra e drejtuar nga Martinez ka shkatërruar rusët me shifrat e pastra 3-0.
Romelu Lukaku zhbllokoi takimin në minutën e 10. Ndoshta një shenjë fati (Eriksen ka numrin 10), ndoshta diçka më shumë, por shoku i ekipit te Interi, gjeti rrjetën dhe menjëherë mendimi i parë ishte për Eriksen.
Sulmuesi ishte në pozicion jashtë loje fillimisht, por dhurata e mbrojtësit kundërshtar i dha mundësinë të shënonte. Lukaku ia ka dedikuar golin Eriksen. Para kamerës ai u shpreh: “Kris, të dua!”
Në minutën e 34, Belgjika dyfishoi shifrat.Pas një tentative të Torgen Hazard, Munie përfitoi dhe me portën e boshatisur, shënoi golin e dytë.
Kur mendohej se ndeshja do të mbyllej me këtë rezultat, Lukaku qetësoi ekipin e tij, ku në minutën e 88 realizoi golin e tretë dhe dopietën e tij personale në këtë takim.
