I mituri i rrëmbyer një ditë më parë në qytetin e Shtimes, sipas informacioneve të uniformave blu 11-vjeçari E.T, është paraqitur në stacionin policorë në Ferizaj rreth orës 00:15.
Në deklaratën e tij I mituri ka mundur të dalë nga automjeti i të dyshuarve dhe është paraqitur në polici, ku sipas informacioneve të policisë është në gjendje të mirë shëndetësore.
Informacionet e policisë
“Më 9.4.2018 rreth orës 00:15 minuta, viktima është paraqitur në stacionin policor në Ferizaj. Ai është në gjendje të mirë shëndetësore dhe sipas deklaratës së tij, ai kishte arritur që të dalë nga automjeti i të dyshuarve dhe është paraqitur në polici”, thuhet në njoftimin e Policisë.
Hetuesit policor janë duke i vazhduar hetimet për zbardhjen e rastit.
Mbrëmë rrëmbyesit e 11-vjeçari familjes Tafa i kërkonin 50 mijë euro.
Motivet e rastit ende nuk dihen, por vetëm që babai i djalit kishte pranuar një mesazh në telefon, ku i kërkohej që t’i grumbullojë 50 mijë euro si kusht për lirimin fëmijës.
‘E thirrën në emër, e futën në një xhip të zi’, xhaxhai tregon tmerrin: Si ma rrëmbyen nipin 11-vjeç
Kanë kaluar 12 orë nga rrëmbimi i 11-vjeçarit E.T nga Shtimja, Policia e Kosovës akoma nuk ka diçka konkrete rreth zbardhjes së rastit.
Krejt çka dihet deri më tani, është se 11-vjeçari është kapur nga disa persona me një xhip të zi. Asgjë më shumë. Xhaxhai i të rrëmbyerit ka rrëfyer gjithë ngjarjen
Xhevdet Tafa, ka thënë se 11-vjeçari E.T., është kidnapuar nga një veturë xhip i zi.
Xhaxhai Xhevdet Tafa, ka deklaruar se E.T. po ecte në rrugë së bashku me djalin e tij para se të rrëmbehej nga disa persona, “të cilët e futën në një xhip të zi”.
Tafa ka thënë se personat të cilët dyshohen se e morën djalin e vëllait të tij, e kanë thirrur në emër 11-vjeçarin për t’iu afruar veturës, “e më pas e kanë rrëmbyer”.
“E kanë thirr në emër disa persona në një veturë xhip të zi, ai është afruar pastaj e kanë marrë tek makina dhe e kanë futur brenda”, ka thënë Xhevdet Tafa, duke theksuar se ngjarjen atij ia ka rrëfyer djali i tij i madh, i cili e kishte shoqëruar E.T. në momentin e rrëmbimit.
Tafa ka thënë se djali nuk dihet në çfarë drejtimi ka shkuar, dhe se prej rrëmbimit nuk kanë dëgjuar më asgjë për të.
“Jo nuk kemi dëgjuar asgjë më prej tij dhe tash po presim pasi e kemi lajmëruar rastin edhe në Polici”, ka thënë xhaxhai i 11-vjeçarit.
Ndërkaq, zëdhënësi i Policisë së Kosovës për Rajonin e Ferizajt, Agim Gashi ka thënë se rasti që dyshohet të jetë rrëmbim ka ndodhur rreth orës 20:00 në Shtime.
“Informata qëndron se është rrëmbyer një fëmijë 11-vjeçar. Hetimet momentalisht i kemi në kulm dhe më shumë informacione nuk mund të japim”, ka thënë Gashi.
“Ende nuk ka diçka konkrete lidhur me rastin. Jemi duke i verifikuar disa informata nga tereni si dhe jemi të angazhuar maksimalisht për ndriçimin e rastit’, ka thënë Agim Gashi
Ndërkohë, familjarët e të kidnapuarit kanë thënë se fëmija ishte marrë me një xhip të zi, dhe për kthimin e tij po kërkohen 50 mijë euro.
