Presidenti i Republikës, Ilir Meta do të jetë i ftuar sonte në mbrëmje në emisionin ”Çim Peka Live”.
Përmes një postimi në rrjetet sociale, Kreu i Shtetit i bëri thirrje kryeministrit Edi Rama për një debat televiziv para shqiptarëve, teksa i kërkon që të bëhet trim.
Meta thekson se nëse Rama nuk pranon të vijë në emisionin ku ai është i ftuar sot, mund të shkojë ku të dojë kreu i qeverisë.
Postimi i Presidentit Meta në rrjetin social, Facebook
Një ftesë e sinqertë për Kapedanin e Bllokut! Sot në ora 20:45, jam i ftuar për një intervistë live në Syri TV nga Çim Peka. Të ftoj edhe ty të bëhesh trim dhe të vish sot në një përballje televizive para shqiptarëve.
Nëse ke siklet të vish vetëm merr kë të duash me vete, deputet nga partia ose hajde bashkë me të gjithë “të fortët” e tu. Nëse ti nuk do debat televiziv tek Çimi, unë e le atë për ty dhe vij kudo që të jesh ti. Vetëm të lutem më thuaj!
Bëhu njëherë trim, hë të keqen, se dita e Llogaridhënies erdhi. Të lutem më thuaj! Po pres me padurim përgjigjen tënde o trimi i xha Jahos!
