Kryetari i Aleancës Kosova e Re dhe kandidati për deputet nga koalicioni Nisma-AKR-PD, Behgjet Pacolli mbrëmjen e sotme ishte i ftuar në emisionin “Pressing” prej ku ka deklaruar se partia e tij ka rënë për shkak se ai është treguar i sinqertë.
“Është e vërtetë se ka rënie. AKR ka rënë për shkak të sinqeritetit tim”, tha Pacolli. Në vijim ky i fundit ka theksuar se për të është më mirë që ka qenë i sinqertë në politikë.
“Më kanë thënë se të jesh i sinqertë dhe në politikë nuk shkon. Në vetëdijen time, them se të jesh i sinqertë në politikë është kuptimplotë”, është shprehur Pacolli, shkruan “gazetaexpress”.
