“Do të dhuroj 1 milion euro për rindërtimin e banesave në zonat e prekura nga tërmeti”. Kështu ka deklaruar ditën e sotme Ministri i Jashtëm kosovar Behgjet Pacolli. Ai e ka dhënë lajmin nëpërmjet një postimi në rrjetet sociale.
Ai shkruan që është tronditur nga dëmet që ka shkaktuar tërmeti dhe se shpreson që njerëzit t’i kthehen sa më shpejtë jetës normale.
Statusi i plotë:
Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë 1 milion euro për rindërtimin e zonave të prekura nga tërmeti. Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt. Kjo është më e pakta që unë dhe familja ime mund të bëjmë për Shqipërinë tonë të dashur”.
