Real Madrid është në kërkim të një trajneri afatgjatë dhe zërat ne mediat përmendin vetëm trajner të mëdhenj e me karrierë të lavdishme. Por presidenti Perez duket se ka hequr dorë nga ata dhe ka zgjedhur një emër surprizë për stolin.
Sipas asaj që bën me dije spanjollja “Don Balon” skuadra e Realit të Madridit, ka hequr dorë tashmë nga emra si Roberto Martinez, Antonio Conte, Mauricio Pochettino apo edhe Arsen Wenger. Tashmë sytë janë drejtuar nga një trajner që drejton në La Liga.
Bëhet fjalë për Marselino Garsia Toral i cili tashmë është në krye të pankinës së Valencias. Është presidenti Perez që e shikon Marsenilon si një lider, me karakter dhe në gjendje për të kontrolluar lojtarët dhe jo lojtarët të kontrollojnë atë.
Valencia është në vendin e 14 në La Liga dhe ndeshja ndaj Gironës të shtunën do të jetë vendimtare për të ardhmen e trajnerit Marselino. Një shkarkim i mundshëm nga skuadra e Valencias do i hapte rrugë trajnerit për të marrë drejtimin e Realit të Madridit.
